Glenlogie
On Springthyme SPRCD 1009
Mirk - Tak A Dram (Afore Ye Go)
Known also as Jean o Bethelnie, this ballad has long been popular in the North-East. The story is powerful but, as Gavin Greig said, ‘Glenlogie has been greatly helped by its tune which is a very fine one with Celtic affinities’. This is number 214 in Francis James Child's collection The English and Scottish Ballads.
1: There were nine and nine nobles
Rade through Banchory fair,
And bonnie Glenlogie
Wis the flouer that wis there.
2: There were nine and nine nobles
Sat at the King’s dine,
But bonnie Glenlogie
Wis the flouer o twice nine.
3: Doon cam Jeannie Gordon
She cam trippin doon the stairs,
And she’s chosen Glenlogie
’Mang aa that were there.
4: She called for his footboy
Wha ran by his side,
Sayin, “Wha is the young man,
An whaur does he bide?”
5: “He’s styled Glenlogie
When he is at hame,
And he’s o the noble Gordons
And his name it’s Lord John.”
6: “Glenlogie, Glenlogie,
Gin ye’ll prove kind,
My love is laid on ye,
Noo I’ve told ye ma mind.”
7: The Gordon turned lichtly
As Gordon does aa,
“I thank ye Jeannie Gordon
But I’m promised awa.”
8: She called for her maidens
Tae mak her a bed,
Wi ribbons an napkins
Tae tie up her head.
9: “Oh lay me doon gently,
Ma face tae the wa;
Tak the rings fae ma fingers,
Ma jewels an aa.”
|
10: But her faither’s ain chaplain,
Bein a man o great skill,
Weel he wrote a braid letter
And indited it weel.
11: “Glenlogie, Glenlogie
When ye are at hame,
This lady’s love’s laid on ye,
Must she die in her prime?”
12: When Logie got the letter,
He bein amang men,
It’s oot spake Glenlogie,
“What’s this young woman mean?”
13: “Gae saddle me the black horse,
Gae saddle me the broon
Bonnie Jean o Bethelnie
Will be deid ere I win.”
14: Noo pale and wan wis she
When Logie cam in,
But reid and rosy grew she
When she kent it wis him.
15: “Turn roon Jeanie Gordon,
Turn tae yer richt side,
For I’ll be yer bridegroom,
And ye’ll be my bride.”
16: Noo Jeannie’s got mairrit
And her tocher’s doon told,
Bonnie Jean o Bethelnie,
Scarce sixteen years old.
17: Bethelnie, Bethelnle,
Ye shine whaur ye stand,
May the heather bells roon ye
Shine o’er Fyvie’s land.
|
|
|
MIRK:
Ian Sinclair on fiddle, guitar, 12-string guitar & vocals, Margie Sinclair lead vocals, harmonium & autoharp, Ray Crompton on harmonium, mandola, guitar mandolin & voacals, Jim Sutherland on cittern, bass, mandolin & bodhran. Special guest Andy Corsie on electronic bagpipes.
Springthyme SPRCD 1009
© 1982, 2016 Springthyme Records
www.springthyme.co.uk
|