Pittenweem Jo

On Springthyme SPRCD 1002
John Watt & Davey Stewart - Shores of the Forth

A simple lyrical song written by John in 1960. The tune is an adaptation of the well known Scots tune Ho Ro My Nut Brown Maiden. Pittenweem, a picturesque East Neuk fishing village, has the main commercial fish auction of that part of Fife.



I’m gaun wi a lass frae Pittenweem,
She’s every fisher laddie’s dream;
She guts the herrin doon by the quay,
And saves her kisses just for me.

Oh last July it came tae pass,
I met this bonnie fisher lass;
Wi her een sae blue and black her hair,
I met her doon at Ainster Fair.

Chorus:
Pittenweem, Pittenweem,
She’s every fisher laddie’s dream;
She guts the herrin doon by the quay,
And saves her kisses just for me.

I says tae her “Can I tak ye hame?”
She says “Oh fine I ken yer game;
But ne’er the less ye’re awfy kind,
In fact I widnae really mind.”

I took her hame that Saturday nicht,
The moon was shinin oh sae bricht;
And as we lay there on the grass,
I says “Hey Jo, wad ye be ma lass?”

She’s my lass noo, and weel I ken,
She disnae gang wi ither men;
For I was quick where they were slow,
And that’s how I won ma Pittenweem Jo.

Chorus:
Pittenweem, Pittenweem,
She’s every fisher laddie’s dream;
She guts the herrin doon by the quay,
And saves her kisses just for me.

Springthyme SPRCD 1002
© 1976, 2010 Springthyme Records
www.springthyme.co.uk